ព្រឹកថ្ងៃច័ន្ទ ទី៩ ខែតុលា ឆ្នាំ២០២៣ លោកជំទាវ ចឹក ហេង សមាជិកា ព្រឹទ្ធសភា ប្រចាំភូមិភាគទី៨ និងឯកឧត្តម ម៉ុម ចន្ទលី ព្រមទាំងកូនចៅ បានអញ្ជើញចូលរួមពិធីកាន់បិណ្ឌវេនទី១០ ដោយនាំយកនូវគ្រឿង ឧបភោគ បរិភោគ ភេសជ្ជ: ចង្ហាន់ សឡាបំភ្លឺ និងបច្ច័យ៤ បច្ច័យកសាងសេនាសនទាន បង្សុកូល រួមជាមួយពុទ្ធបរិស័ទចំណុះភូមិកណ្តាល ទៅប្រគេនព្រះសង្ឃគង់ចាំព្រះវស្សា នៅវត្តគោកបេង ស្ថិតក្មុងសង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។ដើម្បីឧទ្ទិសកុសលជូនដល់បុព្វការីជនមានជីដូនជីតា មាតាបិតា ញាតិកាក្នុងសង្សារ វដ្តដែលបានលាចាកលោកនេះទៅហើយ ព្រមទាំងឧទ្ទិសកុសលជូនដល់វិញ្ញាក្ខ័ន្ធយុទ្ធជន យុទ្ធនារី អ្នកស្នេហាជាតិ ដែលបានពលីជីវិតក្នុងបុព្វហេតុជាតិមាតុភូមិ សូមលោកទាំងអស់មេត្តាយោនយក កំណើតក្នុងទីបរមសុខ កុំបីក្លាយទៅជាប្រការដទៃឡើយ។